नेत्र प्रसाद न्यौपाने/ जेष्ठ ०२, लम्की/ लम्कीचुहा उद्योग बाणीज्यसंघ लम्की कैलालीको जेठ ६ गते हुन लागेको दोस्रो चुनावी साधरण सभाका लागी व्यवसायीहरु दुई प्यानलमार्फत चुनावी मैदानमा होमिएका छन । संघको विधान अनुसार अध्यक्ष सहित ११ सदस्यका लागि लम्कीचुहाका ब्यापारीहरुले प्यानल मार्फत चुनाबी प्रचार प्रसार सुरु गरेका छन । चुडामणी भण्डारी र सुशीला शाहीले अध्यक्ष पदको दावी गर्दै दुवैजना प्यानलमार्फत चुनावि मैदानमा उत्रिएको लम्की चुहा उद्योग बाणीज्य संघले जनाएको छ । नेपाली कांग्रेसले सुशीला शाहीलाइ समर्थन गरेको छ भने नेकपा एमाले, माओबादी केन्द्र र नेपाल कम्युनिष्ट पार्टीले भण्डारीलाइ समर्थन गरेका छन । भण्डारी नेतृत्वको प्यानललमा ११ जनाको उम्मेदारी तय गरी चुनाबी प्रसारमा होमीएका छन । उनको प्यानलमा बरिष्ठ उपाध्यक्ष डील्ली प्रसाद गडतोला उद्योग ,जनक बहादुर शाही बाणीज्य ,मनिष न्यौपाने बस्तुगत,महासचिबमा जनक सींह,कोषाध्यक्षमा जय राम चौधरी ,सचिबमा पुष्प ढकाल ,सदस्यमा क्रमश लोग बहादुर बिष्ट ,तप्त ढकाल ,नेत्र थापा,र प्रेमभक्त रेग्मी उम्मेदार बनेका छन । शाही प्यानलमा १० जनाको उम्मेदवारी रहेको छ । जसमा उपाध्यक्ष उद्योग तर्फ षडानन्द सापकोटा,उपाध्यक्ष बाणीज्य पदम राज जैशी ,उपाध्यक्ष बस्तुगत सञ्जय बुढा,महासचिब लब बहादुर शाही,कोषाध्यक्ष अमित भण्डारी ,सचिब टंक जोशी उम्मेदार रहेका छन ।त्यस्तै सदस्यमा गणेश राज ओली,तारा प्रसाद तिमिल्सैना,र लोक बहादुर देउवा रहेका छन । उद्योग बाणीज्य संघलम्कीको संस्थापक हुदै उपाध्यक्ष पदमा अनुभव भएकाले ब्यापारीको हक अधिकारका लागी आफुले अध्यक्षमा उम्मेदारी दीएको सुशीला शाहीले बताएकी छन् भने यस क्षेत्रको आर्थीक बिकास र ब्यापारीका समस्या समाधानका लागी आफनो उम्मेदारी भएको चुडामणी भण्डारीले बताएका छन् । राजनैतिक भागबन्डा भन्दा पनि ब्यापारीको हकहीतका लागी वकालत गर्ने संस्था भएकाले निर्वाचन भन्दा सहमतीमा सबैलाइ मिलाएर अघी बढनु पर्ने यस क्षेत्रका ब्यापारीहरुको मनसाय रहेको छ । २०७१ सालमा स्थापना भएको संघमा २ आजीवन र १ हजार ३ सय ६८ साधारण गरी जम्मा १ हजार ३ सय सत्तरी जना मतदाता रहेको निर्वाचन अधिकृत मयाराम धमालाले जानकारी दिए ।