काठमाडौं,१ जेठ । कर्नाटक विधानसभा चुनावमा कांग्रेसले नराम्रो हार व्यहोर्दा भारतीय जनता पार्टी (बीजेपी) ले ऐतिहासिक सफलता हात पारेको छ । अघिल्लो चुनावमा ३६ सिटमा सीमित बीजेपीले १०४ बढी सिटमा जित नजिक छ । तर, सरकार गठन गर्न नपाउने देखिएको छ । बहुमतका लागि ११२ सांसद चाहिन्छ । पछिल्लो अपडेटअनुसार बीजेपी १०४, कांग्रेस ७७ र जेडीएस (जनता दल सेक्युलर) ले ३७ सिटमा अग्रता लिएको छ । अरु पार्टी मात्र २ सिटमा छन् । यही नजिता कायम रहे सरकार गठनका लागि बीजेपीलाई कांग्रेस वा जेडीएसको समर्थन चाहिन्छ । तर, अहिले सरकारमा रहेको कांग्रेसले तेस्रो दल जेडीएसलाई मुख्यमन्त्री अफर गरेको छ । भारतीय सञ्चार माध्यमहरुकाअनुसार कांग्रेसले एजडी कुमारास्वामीलाई मुख्यमन्त्री प्रस्ताव गरेको छ । ‘हामीले देवे गौडा र कुमारास्वामीसँग टेलिफोनमा कुराकानी गरेका छौं । उनीहरुले हाम्रो प्रस्ताव स्वीस्कार गरेका छन् । आश गरौं, हामीसँगै हुनेछौं’ कांग्रेस नेता गुलाम नाबीले भने । कुमारास्वामी पूर्वमुख्यमन्त्री पनि हुन् । उनी ३ फेब्रुअरी २००६ देखि ९ अक्टोबर २००७ सम्म कर्नाटकको मुख्यमन्त्री भएका थिए ।