धनगढी, १ जेठ । कैलालीको धनगढी उपमहानगरपालिका अन्तरगत फुलवारी र उर्मा क्षेत्रमा बैशाख ३० गते रातीको हावाहुरीले २५० भन्दा बढी घरमा क्षती पुगेको बताईएको छ । फुलवारीमा रहेको बहुलिया सिमा प्रहरी चैकी फुलवारीले हिजो र आज संकलन गरिएको बिबरण अनुसार फुलवारीमा ४ बिद्यालय सहित १९६ भन्दा बढी घरमा क्षती भएको छ । विवरण संकलन गर्ने कार्य अझै वाँकी रहेकोले क्षतीको बिबरण बढ्न सक्ने बहुलिया सिमा प्रहरी चौकीका ईन्चार्ज दौलत पुजाराले जानकारी दिएका छन् । सस्तै साही दिनको हावाहरीकाका कारण फुलवारीमा४ जना सामान्य घाईते भएका समेत पुजाराले जानकारी दिएका छन् । हावाहुरीका कारण थुर्पै स्थानमा बिद्धुतका पोलहरु ढल्दा बिगत ३ दिन देखि फुलवारी, उर्मा , जुगेडा लागायतका क्षेत्रमा बिद्युत सेवा बन्द हुदा जनजिवन प्रभाबित भएको छ । यस्तै उर्मामा पनि ५० भन्दा बढी घरमा क्षती पुगेको धनगढी उपमहानगरपालिका वडा नम्बर १५का वडा अध्यक्ष फुलराम चौधरीले जानकारी दिएका छन् । पिडितहरुले क्षतीपुर्तीको माग गर्दै वडा कार्यलय र स्थानिय प्रहरी चौकी मार्फत निवेदन पेस गरीरहेको बताईएको छ । साही दिनको हावाहुरीले कैलालीका अन्य स्थानमा समेत ठुलो क्षती गरेको थियो ।