धनगढी ९ असार ।हुलाकी सडकमा  दर्जनौ स्थानमा  परेका जनताहरु जोखिम पुर्ण यात्रा गर्न बाद्य भएका छन् ।धनगढी उपमहानगरपालिको वडा नम्बर ८ देखि कैलारी गाउँपालिको हसुलिया सम्मको करिब २५ किलोमिटर हुलाकी सडक ठाउँ ठाउँमा टुटफुट र खाल्डा खुल्डीका कारण  जनताहरु  जोखिमपुर्ण यात्रा गर्नुपर्ने बाध्यता भएको छ ।

निर्माण पूरा नहुदै उ्दघाटन गरिएको हुलाकी सडकको धेरै भागमा ठुला ठुला खाल्डाखुल्डी परेका छन् । सडकको धेरैजसो पुलमा छड बाहिर निस्केर जुनसुकै वेला दुर्घटना हुन सक्ने जोखिम बढेपनि कसैको ध्यान गएको छैन ।

राष्ट्रिय गौरवका आयोजनामा सूचीकृत हुलाकी राजमार्गको निर्माण आर्थिक वर्ष २०६३÷६४ देखि सुरु गरिएको हो । आर्थिक वर्ष २०७४÷७५ मा सम्पन्न हुने अपेक्षा गरिएको यो राजमार्गमा पर्ने विभिन्न खण्डको भौतिक प्रगति भने अझै सन्तोसजनक देखिएको छैन ।
निर्माण भएका सडकपनि गुणस्तरीय नहुदाँ दुर्घटनाको जोखिम बढेको छ । सडक निर्माण पुरा नहुँदै २ बर्ष अघि तत्कालिन भौतिक पुर्वाधार तथा यातायात मन्त्री रमेश लेखक र भारतिय राजदुत रञ्जित रायले संयुक्त रुपमा उद्घाटन गरेको कैलाली क्षेत्रमा पर्ने हुलाकी सडक भत्किन शुरु भएको छ ।विभिन्न चरणमा गरी निर्माण भएको हुलाकी सडकको केहि भाग अझै निर्माण हुन बाँकी छ । निर्माण कार्य पुरा भएको सडक पनि टुटफुट हुन थालेको छ ।

निर्माण सम्पन भएको धनगढी देखि कैलारी गाउँपालिकाको हसुलिया सम्मको हुलाकी सडक ठाउँ ठाउँमा भत्किएपछि यात्रा गर्न निकै कठिन भएको फुलबारी देखि धनगढी सम्म दैनिक अटो रिक्सा चलाउँने राम बहादुर आर्चायले बताए । उनले सडकमा पर्ने पुलहरुमा सरिया निस्केका कारण जोखिम बढ्दै गएको बताए ।

हुलाकी सडक निर्माण पछि खुशी भएका त्यस क्षेत्रका जनता अहिले सडकको अवस्थाका कारण निरास भएका छन् । कैलालीको दक्षिण क्षेत्रको मेरुदण्डका रुपमा विकास भईरहेको हुलाकी सडकले कैलारी गाउँपालिका, जोशिपुर गाउँपालिका, भजनी नगरपालिका, टीकापुर नगरपालिका र धनगढी उपमहानगरपालिकाका वडा नम्बर १५, १७, १८ र १९ का जनताले दैनिक रुपमा प्रयोग गदै आएका छन् ।

गाउँमा नै पक्की सडक पुगेपछि सहज यात्रा गर्न मिल्छ भन्ने आशा बोकेका जनताले अहिले सडक साघुरो र ठाउँ–ठाउँमा टुटफुट भएका कारण ज्यान नै जोखिममा पारेर यात्रा गनुपरेको गुनासो गरेका छन् । कैलारी गाउँपालिका पवेराका श्रीराम चौधरीले सडकको अवस्था सुधारका लागी सम्बन्धीत निकायको ध्यान नजा