धनगढी । कैलालीको अत्तरियामा भएको गोलीकाण्डको दोस्रो दिन नै यहाँका प्रहरी प्रमुखको सरुवा भएको छ । प्रहरी प्रधान कार्यालयले कैलालीसहित विभिन्न जिल्लाका प्रहरी प्रमुखहरुको काजसरुवा गरेको हो ।

कैलालीमा एसपीए सोमेन्द्रसिंह राठौंरको स्थानमा काठमाडौं उपत्यका प्रहरी कार्यालय शान्ति सुरक्षा महाशाखाबाट देबेन्द्रबहादुर पाल आउने भएको छ । 
अत्तरियामा आइतबार साँझ स्थानीय घोडाघोडी सुनचाँदी पसलका सञ्चालक ३१ बर्षीय विकास सुनारमाथि गोली प्रहार भएको थियो । 

बजार क्षेत्रकै राजमार्गमा उक्त घटना भएको २४ घण्टा बित्न लाग्दा पनि प्रहरीले घटनामा संग्लनहरुलाई पक्राउ गर्न सकेको छैन । उक्त घटना लगत्तै कैलालीका प्रहरी प्रमुख एसपी राठौंरको सरुवा भएको हो । यद्दपी प्रहरी प्रधान कार्यालयले यो नियमित प्रक्रिया भएको बताएको छ ।