गौरीफन्टा नाकामा आवतजावत गर्न समयसिमा निर्धारण 
Share
कृत बिष्ट 2077-05-11

धनगढी,११भदौ।जिल्ला प्रशासन कार्यालय कञ्चनपुरले नेपाल–भारत सीमा गौरीफन्टा नाकाबाट आवतजावत गर्नेहरुका लागि समय निर्धारण गरेको छ । कोरोना भाइरसको उच्च जोखिम रहेको अवस्थामा सीमा नाकामा व्यवस्थापन गर्न कठिनाइ भएको भन्दै प्रशासनले समय निर्धारण गरेको हो ।

अब सो नाकाबाट नेपाल भित्रिन चाहने नेपाली र भारत जान चाहने भारतीयले बिहान १० बजेदेखि साँझ ५ बजेसम्म प्रवेश गर्न सक्नेछन् । तर नाकाबाट भारतीय नागरिकले नेपाल प्रवेश नपाउने र नेपाली नागरिकले भारत जान नपाउने कञ्चनपुरका प्रमुख जिल्ला अधिकारी नुरहरी खतिवडाले जानकारी दिए ।