साँफेबगर सडकमा पहिरो : स्थानीयको टुट्यो सम्पर्क
Share
झलक दवाडी 2077-05-02

धनगढी, २ भाद्र। अछामको साँफे मार्तडी सडक खण्डको साँफेबगरको देउझाल सडकमा पहिरो जाँदा सडक अबरुद्ध भएको छ । बाजुरा सदरमुकाम मार्तडी जोड्ने सडक सो स्थानमा पहिरोका कारण अवरुद्ध हो । जसका कारण स्थानीयको अन्य जिल्ला सँगको सम्पर्क टुटेको छ ।

पहिरोले भासिएर अवरुद्ध साँफे– मार्तडी सडक मर्मत कार्य सुरु भएको छ । मार्तडी जोड्ने एक मात्र सडकमा पर्ने एउटा पक्की र अर्को बेलिब्रिज नै बगेका छन् ।
बाजुरा सदरमुकामसँग सडक सम्पर्क टुटेपछि अहिले दैनिक उपभोग्य सामग्री, औषधी, निर्माण सामग्री आदि खच्चरबाट ढुवानी भइरहेको छ । जसले गर्दा महँगी बढेको छ । रेफर गर्नुपर्ने विरामीहरुलाई बोकेर लाग्नुपर्ने अवस्था छ ।