फूलवारी  । थारु माघि मेलामा आयोजित भलिबल प्रतियोगितामा सुर्मा देबि युवा क्लब, आइ गाउँ फाइनलमा प्रवेश गरेको छ। धनगढी १९  स्थित फूलवारी आधारभुत विद्यालयको खेल मैदानमा भएको खेलमा भारतको सहुनाहा टिमलाई  पराजित गर्दै सुर्मा देबि युवा क्लब फाइनलमा प्रवेश गरेको सुर्मा देबि युवा क्लबका  अध्यक्ष  राजेन्द्र स्नेहिले जानकारी दिए । 

निकै प्रतिस्पर्धात्मक खेलमा सुर्मा देबि युवा क्लबले  भारतको सहुनाह टिमलाइ ३-०  को सोझो सेटमा पराजित गरेको हो । सेमिफाइनल खेल बेस्टअफ फाइभ खेलाइएको थियो ।आजै भएको अर्को समेमीफाइनल खेलमा जुगेडालाई पराजित गदै नजौटा टिम फाइनल प्रबेश गरेको छ ।  उपाधिको लागी सुर्मा देबी युवा क्लब र नजौटा बिच खेल हुने आयोजकले बताएको छ । फाइनल खेल भोली शुक्रबार दिउंसो १२ बजे खेलाइने आयोजकले जनाएको छ । 

आज भएको खेलमा जुगेडालाई पराजीत गर्दै भारतको सहुनाह टिम तेस्रो स्थान प्राप्त गर्न सफल भएको छ । 

थारु सस्कृतिक तिहुवार मन्चले माघी मेलाको अवसरमा आयोजना गरेको भलिबल प्रतियोगिताको बिजेता टिमले नगद पुरस्कार रु २५  हजार सहित मेडल, ट्रफी पाउने आयोजकले बताएको छ । त्यसैगरी प्रतियोगिताको उपबिजेता टिमले नगद पुरस्कार रु  १५ हजार सहित मेडल, ट्रफी पाउने छन् ।