धनगढी, १असोज। कैलालीका प्रमुख जिल्ला अधिकारी किरण थापाले बाढि प्रभावित क्षेत्रको निरीक्षण गरेका छन्। उनले शनिबार जिल्लाको कैलारी गाउंपालिकाको बाढि प्रभावित   क्षेत्रहरुको प्रत्यक्ष निरीक्षण गरेका हुन् । निरीक्षण टोलिमा कैलाली प्रहरी प्रमुख सोमेन्द्र सिंह राठोर र कैलाली जिल्ला ससस्त्र प्रहरी प्रमुख धन बहादुर सिंह पनि सहभागि भएका थिए । 

प्रमुख जिल्ला अधिकारी थापाले कैलारी गाउपालिकाका विभिन्न क्षेत्रहरु बाढि बाट प्रभावित भएकाले सत्य तथ्य बुझन् आफु निरीक्षणमा आएको बताए । उनले यो क्षेत्रमा हरेक बर्ष बाढिले क्षति गर्ने भएकाले उच्च स्तरको राष्ट्रिय योजना आयोग, प्रदेशको योजना आयोगले अध्ययन गरेर स्थायीरुपमा समस्या समाधानको लागि पहल गर्नु पर्ने बताए । उनले बाढि प्रभाबित क्षेत्रहरुमा खोज उद्धारको लागि तीन वटै सुरक्षा निकायलाई खटाएको बताए।