धनगढी, २४ चैत/धनगढीमा शनिवार हाफ म्याराथन प्रतियोगिता हुने भएको छ । ‘अब धनगढी दौडिन्छ’ भन्ने नाराका साथ धनगढी जेसिजले चैत २६ गते प्रतियोगिताको आयोजना गर्न लागेको हो । 
नयाँ वर्ष २०७९ को पूर्वसन्ध्यामा आयोजना हुन लागेको ‘मुख्यमन्त्री जेसिज एभरेस्ट धनगढी हाफ म्याराथन’को तयारी पूरा भएको धनगढीमा  पत्रकार सम्मेलन गरेर आयोजकले जनाएको छ 
धनगढी हाप म्याराथनलाई सुदूरपश्चिम खेलकुद परिषद्ले मुख्य प्रायोजन गरेको छ । जसमा खुल्ला दौड, कर्पोरेट मिडिया दौड, महिला, विद्यार्थी र ट्राई सार्ईकल गरी ५ विधामा प्रतिस्पर्धा हुने धनगढी जेसीजले जनाएको छ । 
खुल्ला दौड प्रतियोगितामा २१.५ किलोमिटरको रहने छ । प्रतियोगितामा प्रथम हुनेलाई ५५ हजार ५ सय ५५, द्धितिय हुनेलाई ३३ हजार ३ सय ३३ र तृतीय हुनेलाई २२ हजार २ सय २२ नगद पुरस्कार दिइने आयोजकले जनाएको छ । 
कर्पोरेट मिडिया दौड, महिला र विद्यार्थीको सवालमा भने ५ किलोमिटरमा प्रतिस्पर्धा हुनेछ । जसमा प्रथम हुनेलाई ५ हजार ५ सय ५५, द्धितिय हुनेलाई ३ हजार ३ सय ३३ तृतीय हुनेलाई २ हजार २ सय २२ नगद पुरस्कार दिइने आयोजकले जनाएको छ । ट्राई साइकलमा सहभागी सबैलाई सम्मानसहित पुरस्कार दिइने धनगढी जेसिजका अध्यक्ष भुवन पाण्डेयले बताए ।