किशोर तामाङ 
पुनर्वास । कंञ्चनपुर  जिल्लाको पुनर्वास नगरपालिकाको १३ औँ नगरसभामा ईलाका प्रहरी कार्यालय त्रिभुवन बस्तीका ईन्चार्जको रूपमा कार्यरत प्रहरी निरीक्षक  नरेशराज मल्ल सम्मानित भएका छन् ।नगरपालिकाको १३औँ नगर अधिवेशनबाट प्रहरी निरीक्षक  मल्ल सम्मानित भएका हुन् ।  नगरसभाको अवसरमा उनलाई  पुनर्वास नगरपालिकाका नगर प्रमुख तोयप्रसाद शर्माले मल्ललाई सम्मानपत्र सहित खादाओढाएर सम्मान गरेका हुन् ।

विगत १३ महिनादेखि ईलाका प्रहरी कार्यालय त्रिभुवन बस्तीको नेतृत्व गर्दै आएका मल्लले पुनर्वास नगरपालिका भित्र मौलाएको लागूऔषध नियन्त्रण तथा शान्ति सुरक्षामा महत्वपूर्ण भूमिका निर्वाह गर्दै  गरेका थिए ।  

चेतना मुलक कार्यक्रमहरु मार्फत प्रहरी र नागरिक बीचको सम्बन्ध प्रगाढ बनाउने कार्यमा अहम भुमिका निर्वाह गरिएकाले १३औ नगरसभाबाट सम्मान गरिएको नगर प्रबक्ता तुलसी अर्यालले जानकारी  दिए ।नगरपालिका भित्र मौलाएको लागूऔषध नियन्त्रण तथा नगर शान्तिसुरक्षा , बिपद् उद्दारकार्य, लागुऔषध र चोरी तस्कारी नियन्त्रण कार्यमा अमुल परिवर्तन आउने कार्य गरेकोले सम्मानित गरिएको नगर प्रमुख तोयप्रसाद शर्माले बताए ।